Gjykata Themelore e Prishtinës ka shpallur aktgjykimin ndaj Endrit Nikës, i cili është dënuar me 18 vjet burg për veprën penale “vrasje e rëndë” ndaj partneres së tij, Maria Clara Urdangaray.
Në seancën gjyqësore që u mbajt sot, ishin prezent edhe prindërit e viktimës, të cilët falënderuan institucionet e Kosovës për drejtësinë e vendosur në këtë rast, por thanë se nuk janë të kënaqur me lartësinë e vendimit dhe se do apelojnë.
Nëna e saj po ashtu deklaroi se një person i akuzuar për femicid në Argjentinë dënohet me burgim të përjetshëm.
