Kryetari i Aleancës për Ardhmërinë e Kosovës, Ramush Haradinaj ka përkujtuar protestat e Lëvizjes Studentore të vitit 1997.
Nëpërmjet një postimi në Facebook, ai thotë se më 1 tetor të atij viti, rinia studentore dhe profesorët universitarë dëshmuan vendosmërinë për t’u ngritur mbi padrejtësitë dhe për ta paralajmëruar ndryshimin e madh, luftën për liri e pavarësi.
“Historia e shqiptarëve është histori përpjekjesh të pandalura për liri. Më 1 tetor 1997, rinia studentore dhe profesorët universitarë dëshmuan vendosmërinë për t’u ngritur mbi padrejtësitë dhe për ta paralajmëruar ndryshimin e madh, luftën për liri e pavarësi”, thuhet në postimin e tij.
