Pas pesë vitesh pritjeje dhe një proteste të tensionuar, qytetarit nga Vlora David Danaj i është zgjidhur problemi i shpërblimit për banesën.
Ngjarja mori vëmendje publike pasi Danaj hyri me forcë dhe me tone të ashpra në mbledhjen e Këshillit Bashkiak të Vlorës më 29 shtator, ku ngriti zerin me anëtarët e këshillit në shenjë proteste për vonesat.
Pak ditë pas incidentit, kryetari i komanduar i bashkisë, Elis Halili, njoftoi se ankesa e Danajt është zgjidhur dhe shpërblimi i tij do të jepet.
Pas ndërhyrjes së policisë dhe shoqërimit të qytetarit, autoritetet duket se kanë reflektuar mbi nevojën për të adresuar shqetësimet e zvarritura të qytetarëve.
