Një gjykatë e Zagrebit e ka dënuar me 50 vjet burgim personin me inicialet L.M për vrasje të rëndë të një fëmije me thikë në një shkollë në kryeqytetin kroat në dhjetor të vitit të kaluar.
Ai u shpall fajtor edhe për katër tentativa vrasjeje të rënda dhe 50 akuza për shkelje të të drejtave të një fëmije.
Sipas aktakuzës së ngritur në fillim të korrikut të këtij viti, ai hyri në ambientet e shkollës dhe sulmoi mësuesin dhe fëmijët me thikë, raportojnë mediat kroate.
