Disenjatorja e njohur, Blerina Kllokoqi-Rugova, ka bërë së fundmi një postim për ndjekësit e saj, të cilët kanë pasur mundësinë t’i parashtronin pyetje të ndryshme.
Një nga ta e pyeti Blerinën nëse familja e saj është e përkatësisë fetare katolike, apo myslimane.
Ajo tha se kjo pyetje i parashtrohet në çdo pyetësor që bën dhe zakonisht nuk i përgjigjet.
“Meqenëse ju s’po e dini, atëherë po iu përgjigjëm. Një herë e përgjithmonë m’u mbyll ky kapitull. Ne jemi besimtarë të fesë myslimane. Unë dhe familja ime. Por mbi të gjitha, i respektojmë të gjitha fetë. Edhe te familja e babit, edhe te familja e mamit, edhe te familja e Mendimit, çdo festë është festu te na, pa marrë parasysh se cilit komunitet i ka taku”, duke kërkuar që të mbyllet kjo temë.
