Ka vdekur 76-vjeçar i cili ishte goditur nga vetura në rrugën “Ulqini” në Mitrovicën e Jugut.
Këtë e ka konfirmuar Policia e Kosovës, përmes një postimi në Facebook, teksa thuhet se trupi i pajetë i viktimës,është dërguar në Institutin e Mjekësisë Ligjore për obduksion.
“Më datën 05 shkurt 2026, rreth orës 18:25, në rrugën “Ulqini” në Mitrovicën e Jugut, është shkaktuar një aksident trafiku me fatalitet, ku një veturë ka goditur një këmbësor.
Si pasojë e aksidentit, këmbësori ka pësuar lëndime të rënda trupore dhe është dërguar për tretman mjekësor në SHSKUK.
Më vonë, autoritetet spitalore kanë njoftuar se viktima ka vdekur.
Trupi i pajetë i viktimës, mashkull rreth 76-vjeçar, është dërguar në Institutin e Mjekësisë Ligjore për obduksion”, shkroi Policia.
