Ka përfunduar seanca gjyqësore për sulmin terrorist në Banjskë, e cila u mbajt sot në Gjykatën Themelore të Prishtinës.
Para gjykatës u sollën tre të akuzuarit, Blagoje Spasojeviq, Vladimir Toliq dhe Dushan Maksimoviq.
Dy prej të akuzuarve, Blagoje Spasojeviq, Vladimir Toliq – kanë vendosur të mbrohen në heshtje, ndërkaq Dushan Maksimoviq pritet të deklarohet në seancën e radhës.
Gjykata po ashtu bëri të ditur se do të ndërmarrë veprime për t’i mundësuar mbrojtjes shqyrtimin e provave materiale në Qendrën e Paraburgimit.
Në seancën e së enjtes, prokurori i rastit, Naim Abazi, propozoi administrimin e disa provave, përfshirë dy raporte përmes ndihmës juridike ndërkombëtare nga Amerika.
