Dashuria e Selena Gomez për Benny Blanco-n duket se nuk njeh kufij.
Këngëtarja dhe aktorja theu heshtjen pasi muzikanti i nominuar për çmimin “Grammy” u shfaq me këmbët e tij të zbathura dhe të pista, madje lëshoi edhe gazra në mikrofon gjatë episodit të parë të podkastit të tij të ri “Friends Keep Secrets”.
Rezulton se Selena nuk u duk aspak e bezdisur nga sjelljet e tij në podkast. Ajo publikoi në story-n e saj në Instagram një video të ëmbël ku puth bashkëshortin, pikërisht ndërsa ai po bëhej lajm për sjelljen e tij të çuditshme.
Selena, e cila më 27 shkurt feston pesë muaj nga martesa me Benny-n, shkroi:
“Bie çdo ditë e më shumë në dashuri me ty, i dashuri im.”
Natyrisht, çifti qëndron i palëkundur kur bëhet fjalë për dashurinë ndaj njëri-tjetrit.
Gjatë një interviste të përbashkët me revistën Rolling Stone marsin e kaluar, Benny foli me shumë entuziazëm për Selena-n dhe tha se e kishte ditur menjëherë që ajo do të bëhej gruaja e tij.
“Isha shumë i sigurt që do të martohesha me të. Thjesht e dija. Është një ndjesi krejt tjetër,” u shpreh ai në atë kohë. “E di që kur Sel zgjohet, mendon: ‘Si mund ta bëj këtë ditë sa më të bukur për Benny-n?’ Dhe e di që unë zgjohem duke thënë: ‘Si mund ta bëj këtë ditë sa më të bukur për Sel-in?’ Ne mendojmë vetëm për njëri-tjetrin.”
Themeluesja e markës Rare Beauty shprehu një ndjenjë të ngjashme edhe në intervistën e saj të marsit 2024 për revistën Vanity Fair, ku tha:
“Asnjëherë nuk më kanë dashur në këtë mënyrë… Ai ka qenë një dritë. Një dritë e plotë në jetën time. Është shoku im më i mirë. Më pëlqen t’i tregoj gjithçka.”
Shumë, shumë e ëmbël. Për një moment të bën ta harrosh gjithë horrorin e veprimeve të tij të fundit në podkast dhe mbi divanin e Selena-s për më tepër.
