Mbi një milion të huaj që jetojnë në Zvicër nuk aplikojnë për shtetësi zvicerane, edhe pse i plotësojnë kriteret e nevojshme për natyralizim. Kjo është bërë e ditur në një studim të realizuar pas një kërkese të Këshillit Federal për të kuptuar arsyet e këtij fenomeni.
Sipas raportit, një numër i madh i banorëve të huaj që kanë jetuar për vite me radhë në vend dhe kanë të drejtë për shtetësi, nuk e ndërmarrin hapin për t’u bërë qytetarë zviceranë, shkruan albinfo.ch.
Rezultatet e studimit u diskutuan dje në Sekretariatin Shtetëror për Migracion (SEM), ku përfaqësues të autoriteteve kantonale dhe komunale përgjegjëse për procesin e natyralizimit analizuan dhe reflektuan së bashku mbi gjetjet e raportit.
Autoritetet synojnë që përmes këtyre diskutimeve të kuptojnë më mirë pengesat dhe arsyet pse shumë të huaj që jetojnë në Zvicër nuk aplikojnë për shtetësi, pavarësisht se i plotësojnë kushtet.
Claudia Winkleman përgatitet për sfidën më të madhe në televizion
Read more
