Një gjykatë në Pakistan ka dënuar me vdekje burrin që vrau një adoleshente, e cila ishte influencere në TikTok.
Siç raporton BBC, Umar Hayat hyri me forcë në shtëpinë e 17-vjeçares Sana Yousaf, në qershor të vitit të kaluar, pasi ajo i refuzoi propozimet e tij të përsëritura dhe e qëlloi për vdekje.
Hayat, tani 23 vjeç, e pranoi krimin e tij në korrik, duke thënë se kishte zhvilluar një obsesion të njëanshëm me Yousaf pas disa ndërveprimeve në internet.
