Policia e Kosovës ka njoftuar se në Prishtinë është arrestuar një burrë, i cili dyshohet se kishte shkelur urdhrin mbrojtës ndaj tij.
Sipas raportit 24-orësh, i dyshuari më herët kishte larguar nga trupi byzylykun elektronik dhe pajisjen gjurmuese GPS, të cilat i ishin vendosur nga data 11 qershor e këtij viti.
Si rezultat, i njëjti është arrestuar dhe shoqëruar në stacion policor.
Pas përfundimit të procedurave, Prokurori i Shtetit ka lëshuar urdhër për ndalim.
“Me vendim të prokurorit i dyshuari është dërguar në mbajtje për 48 orë”, njoftoi Policia.
