Ushtruesi i detyrës së Kryeshefit Ekzekutiv të NP “Termokos”, Kastriot Bllaca ka inspektuar sot punimet, që po realizohen për zgjerimin e rrjetit të ngrohjes për disa objekte banesore në lagjen “Lakrishte”.
Kryeshefi Bllaca është njoftuar nga përgjegjësit e kompanisë punëkryese me dinamikën e punimeve dhe vështirësitë, që ata kanë hasur gjatë shtrirjes së tubacionit të ngrohjes.
Pasi ju ka ofruar përkrahje, ai ka shprehur kënaqësinë e tij, që po krijohen parakushtet për shtrirjen e rrjetit të ngrohjes edhe për këtë pjesë të lagjes “Lakrishte”.
