Zëvendësministri Zef Morina ka inspektuar punimet në segmentin rrugor Dollc-Gjakovë, ku ka parë nga afër ecurinë dhe dinamikën e projektit.
Gjatë vizitës është vlerësuar se punimet po vazhdojnë, por ritmi aktual është më i ngadalshëm se sa ishte planifikuar.
Morina i ka kërkuar kontraktuesit të rrisë kapacitetet operative, duke shtuar mekanizmin dhe fuqinë punëtore, si dhe duke përmirësuar organizimin e punës.
Qëllimi është që punimet të përshpejtohen dhe projekti të përfundojë brenda afateve të përcaktuara me kontratë.
