Policia e Kosovës ka arrestuar personin e dyshuar për kërcënimin ndaj ish-kryeministrit dhe deputetit të AAK-së, Ramush Haradinaj.
Arrestimin e ka konfirmuar zëdhënësja e Policisë për rajonin e Prishtinës, Flora Ahmeti.
Sipas saj, i dyshuari është arrestuar nga Njësiti i Hetimeve të Përgjithshme i Drejtorisë Rajonale të Policisë në Prishtinë.
Ndaj tij pritet të ndërmerren veprimet e mëtejshme procedurale në koordinim me Prokurorin e Shtetit.
Sipas raportimeve në media, i dyshuari është identifikuar si Skender Llugiqi.
Arrestimi vjen pasi Prokuroria Themelore në Prishtinë kishte autorizuar Policinë për identifikimin e të dyshuarit dhe ndërmarrjen e veprimeve urgjente lidhur me rastin.
/Demantim News/
