Milani ka përmbyllur me sukses transferimin e futbollistit të Strasbourgut, Diego Moreira, duke siguruar shërbimet e anësorit belg për sezonin e ri.
Gjiganti italian ka arritur marrëveshje përfundimtare për transferimin e 22-vjeçarit, i cili pritet të jetë një prej përforcimeve të rëndësishme të skuadrës së drejtuar nga Ruben Amorim.
Për arritjen e marrëveshjes ka raportuar gazetari i njohur italian i merkatos, Fabrizio Romano, duke bërë të ditur se palët kanë gjetur gjuhën e përbashkët për transferimin e futbollistit.
Moreira pritet t’i kushtojë Milanit rreth 50 milionë euro, ndërsa zyrtarizimi i transferimit të tij pritet të bëhet së shpejti.
Futbollisti belg është një lojtar mjaft fleksibil në repartin ofensiv, pasi mund të aktivizohet në të dy krahët e sulmit.
Ai është dalluar veçanërisht për shpejtësinë, aftësitë në driblim dhe krijimin e rasteve për shokët e skuadrës, elemente që pritet t’i shtojnë më shumë alternativa repartit ofensiv të Milanit.
