Këngëtarja e njohur Çiljeta Xhilaga ka reaguar pas protestave studentore dhe përplasjeve të ditëve të fundit mes demonstruesve dhe policisë në Tiranë.
Përmes një postimi në InstaStory, ajo ka shprehur shqetësimin për vështirësitë me të cilat përballen qytetarët, duke vënë në fokus mbijetesën, varfërinë dhe pasigurinë për të ardhmen në Shqipëri.
Xhilaga ka theksuar se politika duhet të jetë në shërbim të qytetarëve, ndërsa pushteti duhet të ushtrohet me përgjegjësi dhe respekt ndaj dinjitetit njerëzor.
Në reagimin e saj, këngëtarja ka bërë thirrje për më shumë solidaritet, drejtësi dhe mirëkuptim mes njerëzve. Sipas mesazhit të saj, paqja nuk mund të ndërtohet në një shoqëri ku qytetarët përballen me uri, frikë dhe poshtërim.
Në fund, Çiljeta ka shprehur dëshirën për një botë më të qetë, ku njerëzit të jetojnë në harmoni dhe të mos ushqejnë urrejtje ndaj njëri-tjetrit.
