Seanca e 6 tetorit në rastin e Liridona Ademajt nuk ka përfunduar ende.
Me fillim nga ora 13:00, sipas informacioneve të gazetares së Klan Kosova, Sala Gashi, dëshmitarë të tjerë do të deklarohen sot për herë të parë para trupit gjykues.
Të njëjtit, bazuar në informacionet e para, janë dëshmitarë okularë që besohet se e kanë parë rastin nga një pompë derivatesh, si dhe momentin e takimit mes Naim Murselit dhe Granit Plavës, dy të akuzuarve kryesorë.
Një gjë e tillë pritet të konfirmohet pasi të vazhdojë seanca pas pak.
Ndryshe, sot nga ora 09:00 e mëngjesit, dëshminë e dha mjeku që kreu autopsinë e viktimës, Naim Uka.
