Meteorologu Mendim Rugova ka thënë se sot do të mbajë mot i vranët dhe me reshje të dobëta shiu.
Në emisionin “Ora Shtatë” në Klan Kosova, ai ka theksuar se nuk pritet të ketë reshje bore këtë javë si javën e kaluar.
“Këtë herë nuk ka bërë, por megjithatë i kemi pasur temperaturat e ulëta ditëve të para të javës, edhe sot po mbesin temperaturat e ulëta nga 10 deri në 14 gradë Celsius.”
“Vranësirat dominojnë mbi vend, por gjatë ditës pritet të ketë edhe reshje të dobëta shiu. Nga dita e enjte pritet një mot më stabil”, ka thënë Rugova.
