Pas aksidentit të rëndë të ndodhur një ditë më parë në Durrës, ku humbën jetën dy të mitur dhe u lëndua një tjetër, Policia e Shqipërisë ka marrë masa disiplinore ndaj tre drejtuesve të lartë në këtë qark.
Drejtori i Përgjithshëm i Policisë së Shtetit ka vendosur pezullimin nga detyra të Drejtorit të Policisë Vendore në Durrës, si dhe dy zëvendësdrejtorëve për rendin dhe policinë rrugore, duke argumentuar vendimin me performancë të dobët në përmbushjen e detyrave.
Sipas autoriteteve, menjëherë pas ngjarjes është ngritur një grup ekspertësh i Policisë Rrugore, i cili ka dalë në terren për të analizuar shkaqet dhe rrethanat e aksidentit tragjik.
Hetimet për rastin vijojnë, ndërsa pritet që të sqarohen plotësisht përgjegjësitë dhe faktorët që çuan në humbjen e jetëve.
