Me 16 nëntor në Strasburg, në ora 13:00 do të mbahet një protestë, për lirimin e ish-krerëve të UÇK-së nga Haga.
E thirrje për pjesëmarrje në këtë protestë ka bërë edhe aktivisti Hektor Beqiri.
Përmes një shkrimi në Facebook, ai tha se të gjithë duhet të jenë në Stasburg, aty ku ka nisur padrejtësia ndaj UÇK-së, pas votimit të raportit të Dick Martyt.
“Diasporë, për popullin tonë nuk ka asgjë më të rëndësishme sesa mbrojtja e luftës së lavdishme të UÇK-së. Kjo kauzë është interes kombëtar dhe duhet të na bashkojë të gjithëve, pa dallime.
Bashkohemi para Asamblesë Parlamentare të KE-së!
Bashkohemi aty ku filloi padrejtësia ndaj UÇK-së nga Dick Marty!
Bashkohemi për UÇK-në në Strasburg!” tha ai.
