Policia e Kosovës ka njoftuar se në shkollën në Bresje të Fushë Kosovës që dyshohej për mjet shpërthyes, nuk është gjetur asgjë.
Lajmin e konfirmoi zëdhënësja e Policisë për rajonin e Prishtinës, Flora Ahmeti.
Ajo bëri të ditur se për veprimet e mëtejshme janë në koordinim me prokurorinë.
“Pas ndërmarrjes së të gjitha veprimeve të nevojshme operative si dhe kontrollit të detajuar të hapësirës së caktuar nga ana e njësive të specializuara për menaxhimin me mjetet shpërthyese, nuk është gjetë asgjë e dyshimtë. Jemi në koordinim me prokurorinë për veprimet e mëtejme”, njofton PK.
