Ish-eprori i UÇK-së, njëherit kryetari i BDI-së, Ali Ahmeti ka dhënë mbështetjen e fuqishme për marshin e 17 shkurtit ndaj ish krerëve të UÇK-së.
Ai ka pritur edhe në takim drejtuesit e platformës “Liria ka Emër”.
“Me kënaqësi të veçantë mirëprita drejtuesit e “Liria ka emër”, znj. Eliza Hoxha dhe z. Ismail Tasholli. Gjatë takimit biseduam për Marshin qytetar “Drejtësi, jo politikë”, i cili do të mbahet më 17 shkurt në Prishtinë, si një thirrje qytetare për drejtësi dhe dinjitet. Mbështetja për drejtësinë e luftës çlirimtare dhe për kthimin sa më të shpejtë të çlirimtarëve tanë në shtëpi është një mesazh i qartë uniteti kombëtar dhe dinjiteti. Drejtësi. Dinjitet. Liri”, ka shkruar Ahmeti.
