Nga rreth 80 për qind të votave të numëruara, tashmë po bëhet e qartë se kush do të jetë pjesë e Parlamentit të Kosovës.
Bazuar në të dhënat e deritanishme, LVV-ja do t’i ketë 56 ulëse në Kuvend, pasuar nga PDK-ja me 23, LDK-ja me 15, dhe AAK-ja me 6.
Top pesë më të votuarit e secilës parti nuk kanë lëvizur, duke qëndruar pothuajse në pozitat e njëjta. Megjithatë, garë ka edhe brenda subjekteve politike.
Në Gjakovë, Ardian Gola e Mimoza Kusari-Lila kanë qenë afër me vota.
Por Gola ka arritur tash të dalë para koleges, me 612 vota më shumë.
Ish kryetarja e Gjakovës aktualisht ka 9 mijë e 263 vota e para tij.
