Një akt dhune ka ndodhur në Komunën e Prishtinës, pas mbledhjes së rregullt, ku dështoi edhe miratimi i buxhetit, pasi nuk kishe korum.
E, sipas asamblistes së LDK-së në këtë komunë, Fiknete Bejta, djali i Fehmi Kupinës bashkë me disa persona të afërt të tyre, kanë sulmuar asamblistin e LDK-së, Sami Salihu, shkruan Demantim News.
“Ky sulm, i kryer nga djali dhe persona të afërt me kryesuesin e Kuvendit, z. Fehmi Kupina, është jo vetëm një dhunë e paprecedentë ndaj një përfaqësuesi të qytetarëve, por edhe një goditje e rëndë ndaj demokracisë, institucioneve dhe dinjitetit të Kuvendit të Kryeqytetit” tha ajo.
Po ashtu LDK në Prishtinë thotë se e dënon sulmin ndaj Salihut dhe shpreson që organet e rendit të kryjenë punën e tyre.
