Babai i Auron Ferizit, të riut nga Vitia që humbi jetën pasi u godit nga një veturë, ka kërkuar dënim maksimal për personin që shkaktoi tragjedinë.
Në emisionin “Kosova Today” në Klan Kosova, ai tha se kurrë nuk do ta falë dorasin dhe se pret nga drejtësia që ta dënojë me burgim të përjetshëm.
“Prej meje që e merr kërkimfaljen, kurrë në jetë, sot e 1 mijë vjet. Nëse drejtësia e bën punën e vet, unë jam dakord, por ajo duhet ta bëjë siç duhet. Dorasi e ka pranuar vetë që i ka goditur me qëllim, prandaj duhet të dënohet me burg të përjetshëm”, tha ai derisa nuk i mbante lotët për humbjen e djalit të tij.
