Ndeshja ndaj Spanjës shihej si një lëndim i radhës për Thibaut Courtois.
Belgu, ishte detyruar të lë fushën në minutën e 70-të ku u shtuan dyshimet rreth gjendjes së tij.
Mirëpo testet që i bëri në qendrën stërvitore të Real Madridit në Valdebebas, lanë jashtë mundësinë e lëndimit.
Me lejen mjekësore në dorë, Courtois tani do të rifillojë pushimet e tij pas një sezoni të gjatë dhe një paraqitjeje në Kupën e Botës.
Portieri do të ribashkohet me skuadrën në fund të korrikut , duke ndjekur orarin e graduar të kthimit të planifikuar për lojtarët ndërkombëtarë të Real Madridit, dhe kjo pengesë nuk do të ndikojë në afatin kohor të tij ose në planet e Mourinhos për pozicionin e portierit.
