Një mjet i pashpërthyer është gjetur të hënën në fshatin Gllarevë të Klinës, gjatë punimeve me ekskavator.
Sipas Policisë, një person ka hasur në mjetin e dyshuar derisa ishte duke punuar me ekskavator dhe menjëherë e ka raportuar rastin.
Në vendin e ngjarjes kanë dalë njësitë për deminim të KFOR-it dhe Forcës së Sigurisë së Kosovës (FSK), të cilat kanë bërë tërheqjen e mjetit në mënyrë të sigurt.
Nga incidenti nuk raportohet për persona të lënduar.
