Një grabitje e armatosur ka ndodhur para pak minutash në lagjen Bregu i Diellit në Prishtinë. Policia e Kosovës e ka rrethuar zonën ky dyshohet se është plaçkitur një biznes.

Dyshohet se dy persona kanë qenë të përfshirë në aksionin e grabitjes dhe janë larguar me motoçikletë nga vendi i ngjarjes.

“Sot rreth orës 14:00, kemi pranuar informatën për të shtëna me armë në lagjen Bregu i Diellit në Prishtinë. Bazuar në të dhënat e deritanishme, rasti dyshohet se ka ndodhur gjatë një grabitjeje të armatosur ndaj pjesëtarëve që po siguronin një furgon që transportonte para. Nga informatat fillestare nuk raportohet për persona të lënduar, ndërkohë që hetuesit policorë në koordinim me Prokurorinë, janë duke ndërmarrë të gjitha masat e nevojshme për identifikimin dhe arrestimin e të dyshuarve si dhe për zbardhjen e plotë të rrethanave të rastit” thuhet në njoftimin e Policisë