Kreu i Aleancës për Ardhmërinë e Kosovës, Ramush Haradinaj, ka vizituar sot bashkëluftëtarin e tij, Ali Buzhalën, me rastin e përvjetorit të ditëlindjes së vajzës së ndjerë, Mirgetës.
Me anë të një postimi në Facebook, Haradinaj, shkroi se Mirgeta ishte studente e dalluar dhe me ambicie të mëdha, ndërroi jetë shumë herët, duke lënë dhimbje të thellë te familja dhe te të gjithë ata që e kanë njohur.
“Aliu, veprimtar i hershëm i çështjes kombëtare dhe luftëtar i shquar i Brigadës 123 të UÇK-së.
Sot qëndron i fortë përballë dhimbjes, ashtu siç ka qëndruar gjithmonë përballë çdo sfide të jetës”, shkroi tutje Haradinaj.
