Një person ka pësuar lëndime trupore pasi i ka rënë një objekt i fortë në kokë, derisa po ecte pranë një objekti në ndërtim në Ferizaj.
Sipas raportit 24-orësh, ngjarja ka ndodhur pasditen e djeshme, ndërsa viktima është dërguar për trajtim mjekësor.
Zëdhënësi i Policisë së Ferizajt, Kanun Veseli, për Klankosova.tv, ka dhënë detaje po ashtu lidhur me rastin.
Ai ka bërë të ditur se inspektorët komunalë kanë dalë në vendin e ngjarjes, por viktima nuk ka mundur të intervistohet, dhe ka vazhduar për trajtim në QKUK.
