Inter transferon talentin kroat nga Dinamo Zagreb – Demantim | Mohojmë gënjeshtrat, shpërbëjmë mashtrimet dhe sqarojmë të vërtetat.

Inter ka siguruar një tjetër talent premtues për të ardhmen, duke arritur marrëveshjen me Dinamo Zagrebin për transferimin e mbrojtësit të ri Leon Jakiroviq. “Zikaltërit”, kanë lëvizur shpejt në orët e fundit, duke mbyllur një operacion që konsiderohet investim strategjik për vitet në vijim.

Sipas mediave italiane, Interi ka lënë pas pistën që çonte te Mlaçiç i Hajduk Splitit dhe ka përshpejtuar gjithçka për Jakiroviq, mbrojtës i lindur në vitin 2008. Marrëveshja me klubin kroat është arritur për një shifër totale pak mbi 4 milionë euro, me 2.5 milionë si bazë fikse, rreth 2 milionë në formë bonusesh dhe një përqindje mbi rishitjen e ardhshme të lojtarit.

Interi ka fituar konkurrencën e disa klubeve të njohura europiane, pasi Jakirović monitorohej edhe nga Barcelona, Napoli, Stuttgart dhe Salzburg.

“Nerazzurrët”, kanë vepruar me vendosmëri, duke rezervuar vizitat mjekësore dhe organizuar transferimin e lojtarit drejt Milanos.

Jakiroviq shihet si një mbrojtës i së ardhmes, me potencial të lartë zhvillimi, ndërsa Interi vazhdon të ndjekë strategjinë e investimit në talente të rinj, duke ndërtuar gradualisht bazën për vitet që vijnë.

Latest from Blog

“Kush kënd e tradhtoi, do jetë pyetja e fushatës”, Latifi: A do jetë Osmani njeriu që do t’i krijojë urat mes partive opozitare?

Profesori Blerim Latifi duke komentuar situatën aktuale politike në vend, tha se në rast se mbahen zgjedhjet “Vjosa Osmani do ta destabizliojë bllokun elektoral të Kurtit”. Sipas tij, “kush kënd e tradhtoi,

Alarm në Dresden: 18 mijë banorë evakuohen pas gjetjes së bombës 250 kg të Luftës së Dytë Botërore

Rreth 18 mijë banorë u detyruan të largohen nga shtëpitë e tyre në qendër të Dresdenit pas gjetjes së një bombe britanike 250 kilogramëshe nga Lufta e Dytë Botërore, gjatë punimeve në

Rezoluta e PE-së për zgjerimin: Dialogu Kosovë-Serbi, thelbësor që dy vendet të ecin përpara

Parlamenti Evropian ka miratuar një rezolutë të mërkurën në lidhje me strategjinë e zgjerimit të Bashkimit Evropian. Teksti i miratuar, mes tjerash, siç raporton Klankosova.tv, përmend edhe avancimin e Kosovës në rrugën

Kosova mundëson riatdhesimin e shtetasve të Bosnjë-Hercegovinës nga Riadi në Prishtinë

Ministria e Punëve të Jashtme dhe Diasporës e Kosovës ka organizuar riatdhesimin e shtetasve të Bosnjë dhe Hercegovinës me një fluturim nga Riadi drejt Prishtinës (Numri i fluturimit: XY1237). Aeroplani me shtetasit

Tahiri: Haradinaj për president do të kishte vota edhe nga VV

Deputeti i AAK-së , Besnik Tahiri në “Click” ka bërë të ditur se partia e tij u ka dërguar letër Lidhja Demokratike e Kosovës (LDK) dhe Partia Demokratike e Kosovës (PDK), duke kërkuar reflektim politik dhe gjetjen e një kandidati të përbashkët për postin e presidentit. Sipas tij, në këtë iniciativë AAK nuk ka kërkuar që kandidat të jetë kryetari i partisë, Ramush Haradinaj, por një emër që mund të mbështetet nga opozita. “Ne kemi dërguar letër LDK-së dhe PDK-së. I kemi kërkuar dy çështje: e para kemi kërkuar reflektim mbi një situatë politike e diplomatike që të mos biem në diktatin e Lëvizja Vetëvendosje. Në letër kemi kërkuar që të gjejmë një kandidat të përbashkët për president. Asnjëherë nuk kemi kërkuar që Ramush Haradinaj të jetë kandidat,” tha Tahiri. Ai shtoi se kryetari i LDK-së, Lumir Abdixhiku, i është përgjigjur letrës duke u arsyetuar se kishte angazhime të tjera, ndërsa me kryetarin e PDK-së, Bedri Hamza, sipas tij, është zhvilluar takim, por pa një përgjigje të qartë për këtë propozim. Tahiri theksoi gjithashtu se është i bindur që një numër i madh deputetësh do ta kishin votuar Haradinajn për president, përfshirë edhe disa nga radhët e Vetëvendosjes, por sipas tij, numrat e nevojshëm nuk u siguruan nga LDK-ja dhe PDK-ja.