Avokati Rodney Dixon ka thënë fjalët përfundimtare për Kadri Veselin gjatë seancës së sotme në Hagë.
Në përfundim, avokati kërkoi që Veseli të shpallet i pafajshëm dhe të lirohet, në të kundërtën, siç tha ai, do të bëhet padrejtësi e madhe.
“Kadri Veseli duhet të lirohet dhe të shpallet i pafajshëm për të gjitha akuzat, të bëhet ndryshe do të ishte padrejtësi e madhe”, tha mbrojtja e ish-kryeparlamentarit.
Tash radhën e ka mbrojtja e Jakup Krasniqit, deri në kthimin në sallë të gjyqtarëve e prokurorëve pas pauzës.
