Këshilli Gjyqësor i Kosovës, në takimin e 358-të, ka miratuar Planin strategjik për qasje në drejtësi për periudhën 2026–2028.
Kjo u bë me qëllim rritjen e efikasitetit dhe efektivitetit të sistemit gjyqësor, veçanërisht në trajtimin e rasteve me prioritet.
Ky plan synon të sigurojë mbrojtje të barabartë ligjore për personat fizikë dhe juridikë, duke garantuar zgjidhjen e çështjeve në përputhje me parimet e drejtësisë dhe brenda një afati të arsyeshëm kohor.
Sipas KGJK-së, pëërmes këtij plani strategjik parashihet kategorizimi dhe trajtimi i përshpejtuar i rasteve me prioritet, duke siguruar një procedurë të shpejtë, të drejtë dhe të koordinuar në mes të subjekteve përgjegjëse, të përfshira në këtë plan strategjik.
