Koreja e Veriut ka promovuar motrën e liderit Kim Jong Un në një post kyç brenda partisë në pushtet, gjatë kongresit të Partisë së Punëtorëve, ku u përcaktua edhe agjenda ekonomike për pesë vitet e ardhshme.
Sipas agjencisë shtetërore Korean Central News Agency, Kim Yo Jong është emëruar drejtoreshë e plotë departamenti në Komitetin Qendror të Partisë së Punëtorëve, pasi më herët mbante postin e zëvendësdrejtoreshës.
Mediat koreano-jugore raportojnë se ajo pritet të drejtojë departamentin e propagandës, i cili mbikëqyr strategjitë e jashtme dhe marrëdhëniet ndërkoreane.
Gjatë kongresit, Kim Jong Un u rizgjodh sekretar i përgjithshëm i partisë, duke forcuar kontrollin mbi pushtetin pas 15 vitesh në krye të vendit. Në fjalimin e tij, ai premtoi një fazë të re përparimi të plotë dhe theksoi nevojën për zhvillim ekonomik, teknologjik dhe kulturor në pesëvjeçarin e ardhshëm.
Promovimi i Kim Yo Jong, një nga figurat më me ndikim në elitën politike të Phenianit, shihet si forcim i mëtejshëm i rolit të familjes Kim në strukturat drejtuese të shtetit.
