Një makinist treni ka vdekur dhe të paktën 37 persona janë plagosur, pesë prej të cilëve rëndë, pasi një tren udhëtarësh doli nga shinat dhe u rrëzua pranë Barcelonës, dy ditë pas një përplasjeje vdekjeprurëse të dy trenave në Spanjën jugore.
Sipas zyrtarëve lokalë, treni Rodalies u përplas me një mur mbajtës i cili ra mbi shinat midis Gelidës dhe Sant Sadurni, raporton BBC.
Inspektori rajonal i zjarrfikësve të Katalonjës, Claudi Gallardo, tha se të gjithë pasagjerët ishin nxjerrë nga treni.
Incidenti ndodhi ndërsa stuhitë e forta goditën Spanjën verilindore, me zonat bregdetare në lindje dhe veriperëndim të Spanjës në gatishmëri të lartë për shkak të motit.
Sindikata e makinistëve të trenave spanjollë, Semaf, ka thirrur grevë si pasojë e dy aksidenteve vdekjeprurëse, në Gelida të martën dhe pranë Kordobës në Andaluzi, ku humbën jetën të paktën 42 persona.
