Muriqi i 6-ti në luftën për “Këpucën e Artë” evropiane – Demantim | Mohojmë gënjeshtrat, shpërbëjmë mashtrimet dhe sqarojmë të vërtetat.

Sulmuesi kosovar Vedat Muriqi, është duke kaluar formë të jashtëzakonshme në këtë sezon.

Këtë fakt e konfirmoi edhe ndeshja e fundit në fundjavë, ku shënoi hatrick në fitoren 3-2 të Mallorcas ndaj Athletic Bilbaos.

Këto tre gola e quan në total prej 14 sosh këtë sezon në La Liga, duke u radhitur në vendin e 6-të në renditjen e “Këpucës së Artë” Evropiane.

Harry Kane ka kaluar i vetëm në krye të renditjes. Goli i realizuar kundër Leipzig i ka dhënë mundësinë sulmuesit anglez të shkëputet nga norvegjezi Erling Haaland dhe të qëndrojë përpara Kylian Mbappé.

Serie A vazhdon të mbetet jashtë zonës “top-20”. Edhe pse është kryegolashënues i kampionatit italian, Lautaro Martinez ka realizuar vetëm 11 gola dhe ështënë vendin e 22-të në këtë klasifikim.

Sistemi i pikëzimit llogaritet duke shumëzuar numrin e golave me koeficientin e UEFA-s, i cili ndryshon sipas kampionateve.

Pesë ligat kryesore europiane (Angli, Itali, Spanjë, Gjermani, Francë) kanë koeficient 2 pikë për gol.

Kampionatet e renditura nga vendi i 6-të deri në të 22-in marrin 1.5 pikë për gol, ndërsa të tjerat 1 pikë.

Renditja aktuale e “Këpucës së Artë”:

1.Harry Kane (Bayern Munich) – 42 pikë

2.Erling Haaland (Manchester City) – 40

3.Kylian Mbappé (Real Madrid) – 38

4.Igor Thiago (Brentford) – 32

5.Darko Lemajic (RFS) – 28

6.Vedat Muriqi (Mallorca) – 28

7.Ayase Ueda (Feyenoord) – 27

8.August Priske (Djugardsen) – 27

9.Daniel Karlsbakk (Sarpsborg) – 27

10.Ibrahim Diabate (GAIS) – 27

Latest from Blog

“Kush kënd e tradhtoi, do jetë pyetja e fushatës”, Latifi: A do jetë Osmani njeriu që do t’i krijojë urat mes partive opozitare?

Profesori Blerim Latifi duke komentuar situatën aktuale politike në vend, tha se në rast se mbahen zgjedhjet “Vjosa Osmani do ta destabizliojë bllokun elektoral të Kurtit”. Sipas tij, “kush kënd e tradhtoi,

Alarm në Dresden: 18 mijë banorë evakuohen pas gjetjes së bombës 250 kg të Luftës së Dytë Botërore

Rreth 18 mijë banorë u detyruan të largohen nga shtëpitë e tyre në qendër të Dresdenit pas gjetjes së një bombe britanike 250 kilogramëshe nga Lufta e Dytë Botërore, gjatë punimeve në

Rezoluta e PE-së për zgjerimin: Dialogu Kosovë-Serbi, thelbësor që dy vendet të ecin përpara

Parlamenti Evropian ka miratuar një rezolutë të mërkurën në lidhje me strategjinë e zgjerimit të Bashkimit Evropian. Teksti i miratuar, mes tjerash, siç raporton Klankosova.tv, përmend edhe avancimin e Kosovës në rrugën

Kosova mundëson riatdhesimin e shtetasve të Bosnjë-Hercegovinës nga Riadi në Prishtinë

Ministria e Punëve të Jashtme dhe Diasporës e Kosovës ka organizuar riatdhesimin e shtetasve të Bosnjë dhe Hercegovinës me një fluturim nga Riadi drejt Prishtinës (Numri i fluturimit: XY1237). Aeroplani me shtetasit

Tahiri: Haradinaj për president do të kishte vota edhe nga VV

Deputeti i AAK-së , Besnik Tahiri në “Click” ka bërë të ditur se partia e tij u ka dërguar letër Lidhja Demokratike e Kosovës (LDK) dhe Partia Demokratike e Kosovës (PDK), duke kërkuar reflektim politik dhe gjetjen e një kandidati të përbashkët për postin e presidentit. Sipas tij, në këtë iniciativë AAK nuk ka kërkuar që kandidat të jetë kryetari i partisë, Ramush Haradinaj, por një emër që mund të mbështetet nga opozita. “Ne kemi dërguar letër LDK-së dhe PDK-së. I kemi kërkuar dy çështje: e para kemi kërkuar reflektim mbi një situatë politike e diplomatike që të mos biem në diktatin e Lëvizja Vetëvendosje. Në letër kemi kërkuar që të gjejmë një kandidat të përbashkët për president. Asnjëherë nuk kemi kërkuar që Ramush Haradinaj të jetë kandidat,” tha Tahiri. Ai shtoi se kryetari i LDK-së, Lumir Abdixhiku, i është përgjigjur letrës duke u arsyetuar se kishte angazhime të tjera, ndërsa me kryetarin e PDK-së, Bedri Hamza, sipas tij, është zhvilluar takim, por pa një përgjigje të qartë për këtë propozim. Tahiri theksoi gjithashtu se është i bindur që një numër i madh deputetësh do ta kishin votuar Haradinajn për president, përfshirë edhe disa nga radhët e Vetëvendosjes, por sipas tij, numrat e nevojshëm nuk u siguruan nga LDK-ja dhe PDK-ja.