Një banesë është djegur sot në Prishtinë, në lagjën Bregu i Diellit.
E sipas Policisë së Kosovës, nga zjarri që përfshiu aparatamentin, ka mbetur i lënduar një person.
Kështu ka thënë për Demantim News, zëdhenësi i policisë, Enis Pllana, i cili tregoi se personi i lënduar ka marrë tretmanin e duhur mjekësor.
“Sot rreth orës 07:00, kemi pranuar informatën për një incident zjarri në lagjen ‘Bregu i diellit’ në Prishtinë, ku nga zjarri është përfshirë një banesë. Policia dhe zjarrfikësit kanë dalë menjëherë në vendin e ngjarjes, kurse një person ka pranuar tretman mjekësor. Aktualisht policia dhe zjarrfikësit janë duke u marrë me rastin” tha ndër tjera Pllana.
Më poshtë keni dhe pamjet e Demantim News, nga vendi i ngjarjes.
Video duke klikuar KËTU
