Sot rreth orës 15:00, policia ka pranuar informacion se në fshatin Veli Breg të Zubin Potokut është gjetur një person pa shenja jete.
“Njësitë përkatëse policore menjëherë kanë dalë në vendin e ngjarjes, ku është raportuar se viktima, R.M., femër, 67 vjeç, është gjetur e varur në shtëpinë e saj. Rasti është raportuar nga djali i viktimës i cili e ka gjetur atë te varur”, njofton policia.
“Në vendin e ngjarjes ka dalë edhe stafi mjekësor emergjent, i cili ka konstatuar vdekjen e viktimës”, vijon njoftimi.
Me urdhër të Prokurorit të Shtetit, trupi i pajetë dërgohet në Institutin e Mjekësisë Ligjore për obduksion, në mënyrë që të sqarohen rrethanat e vdekjes.
Rasti është iniciuar dhe po trajtohet si “Vdekje e dyshimtë”.
