Policia e Kosovës ka gjetur veshje dhe pajisje ushtarake të fshehura në një puset kanalizimi në rrugën “Zoran Gjingjiq” në Mitrovicë të Veriut.
Sipas policisë, gjatë patrullimit është vërejtur një puset i hapur, ku pas kontrollit është gjetur një qese me pajisje ushtarake, përfshirë kapela, gjoksore, rrip ushtarak dhe pajisje për mbajtjen e karikatorëve.
Për rastin është njoftuar prokurori i shtetit, i cili ka udhëzuar që për momentin të mos iniciohet rast penal.
Pajisjet janë sekuestruar, ndërsa hetimet po vazhdojnë për të sqaruar rrethanat dhe për të identifikuar personat e përfshirë.
