Kur e shpalli fitorën në zgjedhjet lokale në Drenas, e bëri një premtim.
E, sonte, kryetari i Drenasit, Ramiz Lladrovci, hapi zyrat e PDK-së në qytetin e tij, ani pse, ai nuk ka garuar nga kjo parti për kryetar, shkruan Demantim News.
Kandidimi i tij si kandidat i pavarur dhe polemikat mes tij e kryesisë së PDK-së në zyrën qendrore, ishin shkaktar të supozohet se Lladrovci nuk është pjesë e këtij subjekti politik.
Mirëpo, ai shpeshherë ka deklaruar se është më PDK se gjithë të tjerët aty, madje, më shumë se Petrit Hajdari, që ishte kandidat zyrtar i PDK-së në zgjedhjet e 12 tetorit, për Drenas.
Se si do pritet apo komentohet veprimi i Lladrovcit, i cili sonte hapi zyrat e PDK-së në Drenas, nga kryesia e kësaj partie, presim të shohim.
Video duke klikuar KËTU
