Ndërsa Krishtlindja zakonisht simbolizon gëzim, dashuri dhe bashkim familjar, për disa familje dhe fansa, kjo ditë është shënuar nga humbje të thella dhe dhimbje të papërshkrueshme.
Disa nga yjet më të mëdhenj të botës së muzikës dhe kinemasë kanë vdekur tragjikisht më 25 dhjetor.
George Michael
Pop ikona vdiq më 25 dhjetor 2016, në moshën 53-vjeçare, nga kardiomiopatia dilatative. Partneri i tij, Fadi Faëaz, ndau dhimbjen e tij të madhe në rrjetet sociale. Tragjikisht, edhe motra e George, Melanie Panayiotou, ndërroi jetë në të njëjtën datë tre vite më vonë.
Charlie Chaplin
Legjenda e filmit pa fjalë ndërroi jetë më 25 dhjetor 1977, në moshën 88-vjeçare, pas një goditjeje në tru. Arkivoli i tij u vodh më pas në një përpjekje për rrëmbim, por u rikthye për varrim të sigurt.
James Brown
Ai vdiq më 25 dhjetor 2006, nga dështimi i zemrës pas komplikimeve të pneumonisë, në moshën 73-vjeçare.
Dean Martin
Aktori dhe këngëtari i famshëm i Hollyëood-it ndërroi jetë më 25 dhjetor 1995, nga dështimi akut respirator në moshën 78-vjeçare.
Eartha Kitt
Vokalisja legjendare ndërroi jetë më 25 dhjetor 2008, nga kanceri i zorrës së trashë, në moshën 81-vjeçare. Vajza e saj kujtoi momentet e fundit, duke theksuar energjinë dhe personalitetin e fuqishëm të Eartha-s.
Këto humbje tregojnë se edhe dita më e bukur e vitit mund të shoqërohet me dhimbje të thellë dhe kujtime që mbeten përgjithmonë në zemrat e njerëzve, shkruan Mirror.
