Vatikani ka thënë se “të jesh i lumtur përgjithmonë” nuk kërkon ndonjë matematikë të komplikuar dhe se një bashkëshort apo bashkëshorte është e mjaftueshme.
Në një dekret të ri të miratuar nga Papa Leo, zyra më e lartë doktrinare e Vatikanit u tha 1.4 miliardë katolikëve në botë se ata duhet të kërkojnë të martohen me një bashkëshort/e për gjithë jetën dhe nuk duhet të kenë marrëdhënie të shumëfishta seksuale, raporton Reuters.
Duke kritikuar praktikën e poligamisë në Afrikë, përfshirë edhe midis anëtarëve të Kishës, Vatikani përsëriti se beson se martesa është një angazhim i përjetshëm midis një burri dhe një gruaje.
Dekreti, i cili nuk diskutonte marrëdhëniet e të njëjtit seks, u përqendrua në atë që e quajti “pasuria dhe frytshmëria” e martesës tradicionale.
Ai i inkurajoi katolikët të gjenin një bashkëshort apo bashkëshorte dhe t’i përkushtoheshin atij apo asaj.
