Katër persona kanë humbur jetën tragjikisht në vendin e punës në Vjenë të Austrisë.
Në mesin e tyre tre janë nga Kosova, Pajtim Bajrami, Asllan Musliu dhe Istref Zekaj.
Ky rast i rëndë u trajtua edhe në “Kosova Today” me avokatin shqiptar Mirsad Musliu, i cili zbuloi detaje lidhur me rastin.
Musliu deklaroi se personi i cili është rëndë i lënduar dhe i shtrirë në spital do të merret në pyetje si dëshmitar nga policia.
“Pritet të merret në pyetje si dëshmitar personi i cili është i lënduar, mendohet se ai mund të ketë info më të rëndësishme dhe më të detajuara se si ka ardhur deri tek kjo tragjedi”, deklaroi Musliu.
