Një moment i veçantë dhe emocionues është regjistruar gjatë protestës së sotme, ku familjarët kanë shkuar për t’i dërguar ushqim një polici që ndodhej në krye të detyrës.
Pamjet më të ndjera janë ato kur fëmija i vogël i afrohet efektivit dhe e përqafon, duke sjellë një çast ngrohtësie njerëzore mes tensioneve dhe përplasjeve që kanë shoqëruar protestën.
Në video shihet polici teksa takohet me familjarët e tij, të cilët kanë gjetur mundësinë për t’i qëndruar pranë edhe gjatë angazhimit të tij në detyrë.
Ky moment ka tërhequr vëmendjen për emocionin që përcjell, duke rikujtuar lidhjen familjare dhe rëndësinë e gjesteve të vogla në situata të vështira.
