Deputeti i PDK-së, Përparim Gruda, ka kritikuar gjendjen aktuale politike në vend, duke e përshkruar atë si një situatë të rëndë institucionale.
Gruda ka deklaruar se institucionet e Kosovës po përballen me bllokim dhe se, sipas tij, edhe funksionimi i rendit kushtetues është vënë në pikëpyetje.
Ai ka kritikuar kryesuesin e seancës konstituive, Avni Dehari, duke pretenduar se mosthirrja e seancës po ndodh nën ndikimin e kryeministrit në detyrë, Albin Kurti.
Sipas Grudës, situata aktuale po e zgjat krizën institucionale dhe po pengon funksionimin normal të institucioneve të Kosovës.
Deputeti i PDK-së ka paralajmëruar se, nëse kjo gjendje vazhdon, bllokimi institucional do të thellohet edhe më tej.
