Automjetet e mediave që po përcjellin drejtpërdrejt protestën në Tiranë janë goditur me gurë gjatë një momenti të tensionuar të zhvillimeve në terren.
Protesta është shoqëruar me incidente dhe akte dhune, ndërsa gjatë orëve të fundit në kryeqytet janë raportuar edhe raste të djegies dhe dëmtimit të pronës.
Situata është tensionuar më tej gjatë mbrëmjes, kur është ndërprerë ndriçimi në bulevard. Protestuesit kanë hedhur fishekzjarrë dhe bomba molotov në drejtim të efektivëve të policisë, ndërsa disa prej tyre kanë shkëputur pllaka guri nga trotuaret për t’i përdorur gjatë përplasjeve me forcat e rendit.
Zhvillimet kanë krijuar një situatë të paqëndrueshme në disa pjesë të kryeqytetit, ku protestat janë shoqëruar me përplasje dhe dëmtime të pronës.
