Një 23-vjeçare është dhunuar fizikisht nga dy persona brenda banesës së saj në lagjen “Xhabije” të Shkodrës.
Ngjarja ka ndodhur mbrëmjen e së dielës, rreth orës 22:20.
Pas dhunimit, e reja është dërguar në Spitalin Rajonal të Shkodrës, ku po merr trajtim nën kujdesin e mjekëve.
Ndërkohë, Policia ka nisur hetimet për identifikimin dhe kapjen e dy personave të dyshuar për ngjarjen.
Hetimet për zbardhjen e plotë të rrethanave janë në vijim.
