Diplomati amerikan, Christopher Hill ka treguar përshtypjen e tij në lidhje me pyetjen e trupit gjykues se nëse “Jakup Krasniqi ishte person i rëndësishëm në UÇK”.
“Po, kjo ishte përshtypja ime”, u shpreh dëshmitari.
“Ju nuk e dinit se kush saktësisht e miratoi lirimin e ushtarëve jugosllavë?”, ishte pyetja e trupit gjykues drejt Hillit.
Derisa diplomati amerikan u përgjigj duke thënë: “E saktë, nuk e dinim kush ishte përgjegjës atje”.
“Krasniqi kishte marrë disa udhëzime, nuk mendonit që ai nuk ishte një nga figurat kryesore?”, vazhdoi gjykatësi.
Hill tha: “Këto janë mendime të pabazuara, por në mungesë të informacioneve të tjera, atëherë po”.
