Policia e Kosovës po ndërmerr veprimet operative në një shkollë në Bresje të Fushë Kosovës, atje ku po dyshohet për një shpërthim të mundshëm.
Lajmin e ka konfirmuar zëdhënësja e policisë për rajonin e Prishtinës, Flora Ahmeti.
“Rreth orës 14:30 është pranuar një informatë për dyshimet që ndërlidhen me një shpërthim të mundshëm në një shkollë në Bresje të Fushë Kosovës. Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën”, tha ajo.
Në vendin e ngjarjes janë edhe zjarrfikësit.
