Presidentja Vjosa Osmani ka pritur të enjten në takim të ngarkuarën me punë të ShBA-së, Anu Prattipati.
Sipas njoftimit të Presidencës, gjatë takimit është diskutuar për zhvillimet e fundit në vend dhe për mbajtjen e zgjedhjeve te parakohshme.
“Presidentja theksoi rëndësinë e mbarëvajtjes së procesit zgjedhor dhe respektimit të standardeve më të larta demokratike”, u tha në njoftim.
Gjithashtu, në takim thuhet se u trajtuan edhe çështje të ndryshme të bashkëpunimit bilateral, me ç’rast “Osmani ritheksoi përkushtimin e plotë për forcimin e partneritetit me aleatin më të rëndësishëm strategjik”.
Presidentja Osmani ka caktuar datën e zgjedhjeve të parakohshme për 28 dhjetor.
